midland refineries company

منتدى علمي عملي يختص بالامور العلمية الهندسية والعامة والثقافة والترفيه خدمي بالنسبة لطلاب العلم ولباحثين عن فرص العمل ومتطلع نحو المستقبل بنظرة تفاؤلية وبجهود الشباب وبخبرة ذوي الكفاءة .


    رد على قصيدة مو كالوا جديد الوطن راح يصير لأخي وحبيبي الشاعر المبدع ضياء الميالي

    شاطر

    ألشاعر رائد ألاديب

    عدد الرسائل : 1
    العمر : 36
    تاريخ التسجيل : 13/11/2009

    رد على قصيدة مو كالوا جديد الوطن راح يصير لأخي وحبيبي الشاعر المبدع ضياء الميالي

    مُساهمة  ألشاعر رائد ألاديب في الأربعاء أكتوبر 06, 2010 12:58 pm

    نعم كالوا جديد الوطن راح يصير*هواي اللي حجوا لكن يجذبون
    وعن يا وضع تسأل؟حته أحاجيك*عن وضع العراق؟يبجي العيون
    وإذا خنساء وحده وما رضيت بهاي*ومقهور إنته من جانوا يعزون
    بناسك هالوكت ما ظل بعد حيل*بكل ساعة ألف جادر ينصبون
    ولا تلوم الناس لو تنسه اللي مات*حقهم لو نسوا ياهو اليذكرون؟
    ومحروس الوطن بس إسأل شلون؟*نفس حراسه بي همه اليبوكون
    وصحيح الدنيا خربت والوطن منهوب*ومزاد بكل وكت كاموا يعلنون
    وبير الحزن مو إحنه الترسناه*الاجونه شما وشل دم بي يديرون
    وما تاه الوضع نعرف وضعهم زين*حراميه ولبس شرطة يلبسون
    كبل جانت الغيرة ولا تزال الآن*وصوت الغيرة عالي الكل يشهدون
    وأبوالغيرة عدل(يضياء)ياخوي*ينادي بعالي صوته وما يسمعون
    كبل جان الامان بكل وكت موجود*لكن ضاع هسه إعله اليدورون
    كبل واحدنه يمشي ورافع الهام*وهسه الناس من ظلهم يخافون
    جان البيت موطن يحضن النجمات*وصفه الغربان بي وسفه الينامون
    وجانت شمس بي تتحده الغيوم*وعصافيره بفرح جانوا يغردون
    لازم يا(ضياء)الحيل بينه يعود*وما نسكت أبد ويه اليسكتون
    نطلع كل غريب وكل لفو هنا*ومو عالجدم بل زحفا يطلعون
    مو عالجدم بل زحفا يطلعون




    [center][justify][center]

    Admin
    عضو مميز
    عضو مميز

    عدد الرسائل : 109
    تاريخ التسجيل : 24/11/2008

    رد: رد على قصيدة مو كالوا جديد الوطن راح يصير لأخي وحبيبي الشاعر المبدع ضياء الميالي

    مُساهمة  Admin في الخميس أكتوبر 07, 2010 4:07 pm

    شكرا على المساهمة الجميلة
    تقبل مروري المتواضع
    تحياتي لك

      الوقت/التاريخ الآن هو الجمعة ديسمبر 09, 2016 2:11 pm